سمير عبده بخيت
خادم تراب الوطن
تركيا تجني ثمار استيائها علي مقدرات ومياه الدول المجاورة
والله يحاسب تركيا علي ما فعلته في العالم
المزارع التركية اللي بتتحرق دي مزروعة بمية مسروقة من العراقbzw
المصانع التركية اللي اتحرقت دي كلها مصانع سورية منهوبة من حلب ودرعا ودير الزُّور
السياحة اللي طفشت من تركيا دي اللي اتلشطت من الدول اللي تركيا نهبتها وجابتها أرضا
صعبان عليك ان الدول واقفة تتفرج مع انها كان ممكن تساعد؟
تركيا حضرتك معادية الكل جيران وإقليم وبعاد ومجتمع دولي
لا اللي في اوروبا طايقها ولا اللي في الشرق الاوسط ممكن يطفي لها حريقة
اما المجتمع الدولي ممكن يجيب البنزين ويكمل عادي
عاملة له فيها سماسرة المرتزقة وفاتحة بورصة للمليشيات المسلحة وبتفتح وتقفل حنفية اللاجئين على كيف كيفها
فطبيعي لما يشوفها والعة يقول
“إني آسف”
ومبقاش لها صاحب وكانت فاكرة الغجرية ست جيرانها والبلطجة دايمة للفتوة!
But it’s so useful to remember:
لو تركيا خسرت موارد او اقتصاد،
فاحنا خسرنا رجالة وبنات وأطفال هما اللي بيعملوا كل اللي خسرته تركيا!
الدم اللي سال وكانت تركيا شريكة فيه متعوضوش كنوز الدنيا
في كل فرصة عمل اتوفرت للأتراك في العشر سنين اللي فاتو كانت متاخدة من حد في بلدك او البلد اللي جنبك
وتحويل دار عبادة مسيحية وهي كنيسة صوفيا مكان مقدس من قديم الأزل وتغير ملامحه وهويته
وغيره من أفعال اردوغان من بلطجة وعنجهية وغرور والان يتواصل مع إثيوبيا يا قردوغان خليك في بلواك والله أراد أن يؤدبك فتأدب وارجع الي الله نادم واللي مثلك لايعرف الله اتقي الله
كل مصنع اتفتح في تركيا كان قصاده مصنع مقفول في سوريا او العراق
كل سايح اتمتع بعروض إسطنبول وانطاليا دا كان عايز يجي الاقصر او شرم الشيخ او حتى يروح تونس او مراكش
الحرايق اللي في تركيا دلوقتي مَش ممكن تشفي غليل اب او ام شهيد
ولا احنا اساسا يوم لما ننتقم لأولادنا هيكون دا أسلوبنا
احنا اصحاب حق وهناخده هناخده
خليكو فاكرين
فيا قلب الخساية منك ليها له
استلف راس كرنبة وفكر بيها حبيبتين
ليه لما بتيجي سيرة المرتزقة بيرفعو السماعة على مقاول الأنفار بتاعهم الكلبوغان مش حد تاني، كدة عيانا بيانا وعلى المفتشر ؟
ليه تركيا بعد العداء المعلن ابو زفة كدابة اللي كان معمول على مصر بقت ساحفة على بطنها وعايزة تنول الرضا؟
ليه كل الدول اللي كان عندها صناعة في الشرق الاوسط بتلغي اتفاقيتها الحرة مع تركيا مع ان الصين والهند موجودين من قبلها ومكانش في الشعور بالخطر دا؟
انا اخترت راس الكرنبة عشان فيها أوراق كتير يمكن ربنا يفتح بالافكار وانت بتقلب في ورقها
اما الطبيعة اللي كان لها راي تاني وحبت تشارك في حفلة القصاص من قرطاس السلاطين وشعب خلاصة النهابين، فدا موضوع قد يكون مثير للاتعاظ مع هامش من الشماتة على خفيف كدة
توب وارجع واندم واتعظ
ورجع كل حق لأصحابه تجد الراحة والتوبة
